【打工仔華麗轉身】疫情底下護理行業失業率不升返跌 打工仔轉職有咩途徑？
Jan 26, 2021
本港疫情持續反覆，嚴重影響香港經濟狀況，以及勞工市場。政府統計處近期公佈，2020年10月至12月季節性失業率為6.6％，創16年來高位約24萬人失業，唔少主要嘅經濟行業失業率都有上升嘅趨勢，當中零售、住宿及膳食服務業更係失業嘅「重災區」，不過亦有部分行業嘅失業率亦有不升反跌嘅表現。
根據政府統計處數字顯示，當中「人類保健活動」係眾多行業中失業率為最低，而且對比起上季失業率數字更係有下跌嘅跡象，即係意味住呢個行業並冇受疫情太大嘅影響，行業嘅失業率低亦代表搵工嘅競爭較細同穩定，咁到底咩叫「人類保健活動」呢？
其實「人類保健活動」既係醫療行業，不過當中亦包括院舍護理、復康助理、保健人員等嘅職位，而呢類型職位嘅入行門檻較低，所以對於想轉行嘅打工仔來講，投身護理行業都係一個唔錯嘅選擇；其實市面上者有唔少短期護理培訓課程，幫助有意投身行業嘅打工仔增加入行途徑，而且部分課程仲要係兼讀制，所以如果你自問有愛心又唔怕辛苦，不妨考慮入行啦！
香港大學專業進修學院－護理學及健康護理課程
長者基本物理治療技巧基礎證書（4個月兼讀制）
學費（港幣）：$6,100
健康學證書(保健員統一訓練)（9個月兼讀制）
學費（港幣）：$28,120
健康學高等文憑 (綜合護理及社區照顧)（15個月兼讀制）
學費（港幣）：HK$37,680
香港大學專業進修學院－副學士課程
中醫學副學士（兩年制課程）
學費（港幣）：$59,000（每年）
護理學副學士（兩年制課程）
學費（港幣）：$79,000（每年）
