【FG必睇】「明日創科領袖培訓計劃」接受報名 大學畢業生完成培訓後可獲2.5萬月薪職位
Mar 25, 2021
本港失業率高企，搵工求職難上加難，更何況係白紙一張嘅Fresh grad大學畢業生？不過大家又唔好灰心住，市面上都有好多針對畢業生嘅培訓計劃或招聘會。香港科技園公司早前就宣布推出第二屆「明日創科領袖培訓計劃」，招募新學員為創科行業注入新能量！
「明日創科領袖培訓計劃」為「香港科技園創科學院」2020年推出嘅重點項目，計劃內容涵蓋持續培訓及研發技術支援，參加計劃嘅學員會先接受兩個月嘅職前實習，係實習期間嘅學員會接受全方位嘅領袖培訓，從而磨利自己把「刀」。完成實習後，學員會加入科學園科技公司提供嘅職位，擔任全職員工展開自己嘅職業生涯。據知職位薪金由25,000元至45,000元不等。
今次計劃將與 27 間夥伴企業和科學園以外嘅科技公司合作，預計可以為學員帶來48個工作機會，當中包括人工智能及機械人技術、生物醫療科技、數據及智慧城市以及金融科技等，總類較等一屆多。
「明日創科領袖培訓計劃」目前已開始接受報名，而截止日期為2021年4月15日；只要你係近三年內畢業嘅大學生，而且又想投身創科行業，就快啲click入下面連結，申請報名啦！
「明日創科領袖培訓計劃」網站：https://innoacademy.hkstp.org/
