【職場補習班】成為走在潮流尖啄嘅打工仔 8個你要知嘅00後「辦公室潮語」

正所謂：「長江後浪推前浪」，數數手指千禧年代出世嘅00年，不知不覺已經20歲。部份更可能已經投身社會，成為同你一樣嘅打工仔。作為與時俱進嘅職場「Old Seafood」，又點可以同呢班職場新力軍有代溝，所以今日就等我哋「醒」你幾句00後潮語，等大家遇到00後同事都唔會怕有代溝啦！

1. TTYL

「TTYL」＝「Talk to you later」嘅英文縮寫，即係下次見面再講嘅意思。下次不仿係就收工嘅時候，用嚟text俾你同事啦。

2.Fam j

「Fam j」＝「Famous jj」嘅縮寫，呢潮語大家一定要識，意思係指係社交平台頗有名氣嘅人，同KOL嘅意思相近。

3.壞過凱婷

「壞過凱婷」潮語來至於一單網絡事件，一名初中女生發文指，佢本人同「凱婷」係最壞，因為她們可以連續吸食兩根煙。所以「壞過凱婷」呢個潮語嘅意思就係用來形容人地好衰。就好似「你老細仲壞過凱婷，」

4. LMK

「LMK」係英文句子「Let me know」縮寫；呢個潮語亦十分常用於職場，如果下次有機會同00後員工共事，可以試下用呢潮語嚟接近大家嘅距離呀！

5. GTG/G2G

「G2G」或「GTG」有「Got to go」嘅意思，即係要走啦或收工嘅意思。假如下次有年輕同事text你「G2G」，即係佢哋要收工啦。

6. FAT FAT LA

「Fat」嘅英文讀音同廣東話「發」字相似，「Fat Fat La」可解為「發達啦」嘅意思，並唔係講人肥呀，大家千祈唔好搞錯呀！

7 Siu4

Siu4係「笑死」嘅諧音，代表事情好好笑嘅意思，不過小編就認為，呢個字就比較最適合當你要用嚟敷衍同事時候用啦。

8. WFH activity

Work from Home Activity意思係指行山。事源疫情爆發期間，6名恆生銀行的管理培訓生，係WFH期間「偷雞」去行山，仲要將行山嘅照片上傳上網絡至並標上「Best WFH activity」，後來因此被揭發在Work from Home期間相約行山。至此之後，呢個字司就被廣泛地使用啦！